Кыргызстандын Бажы биримдиги боюнча "жол картасы" бекитилди

Кыргызстандын Бажы биримдигине кошулуусу боюнча "жол картасы" бекитилди. Бул тууралуу Астанада өтүп жаткан Евразия экономикалык биримдигинин жыйынында казак президенти Нурсултан Назарбаев билдирди.

Ал жыйында сүйлөгөн сөзүндө "Кыргызстандын Бажы биримдигине кирүүсү боюнча "жол картасын" бекитүү чечимин кабыл алдык" деди. Ал эми орус президенти Владимир Путин түзүлө турганы жөнүндөгү келишимге бүгүн кол коюлган Евразия экономикалык биримдигине Кыргызстандын да кириши боюнча сүйлөшүүлөр башталганын жарыялады. (BkA)