НАТОнун баш катчысы Андерс Фог Расмуссен Батыш альянсы Украинанын аймактык биримдигин «бекем колдоону» улантарын бышыктады. Брюсселдеги НАТО жана украиналык комиссиянын коргонуу министрлеринин жыйынында ал Орусияны Украинанын чек арасына жакын жердеги аскерлерин алып кетүүгө жана Украинадагы жикчилдерди колдоону токтотууга чакырды. Анын айтымында, Орусиянын Украинадагы «жоопкерчиликсиз жана мыйзамсыз аракеттери» бүт Европанын эркиндигине жана тынч жашоосуна чоң коркунуч жаратты.
