Орусиянын Европа биримдигиндеги өкүлү Владимир Чижов “Түштүк агым” газ түтүгүн тартууну токтотуу боюнча болгар өкмөтүнүн чечимин “Орусияга каршы багытталган жылма экономикалык санкция" деп баалады. Болгар өкмөт башчысы Пламен Орешарски газ түтүгүн куруу токтотулганын 8-июнда жарыялаган. София мындай чечимге АКШ жана Европа биримдигинин кысымы менен барган. (AiT)
