“Республика” фракциясынын лидери алмашты

Жогорку Кеңештеги "Республика” фракциясынын кезексиз жыйынында Назарали Арипов фракция лидерлигин орун басары Максат Сабировго өткөрүп берди. Ал "Азаттыкка" фракция башчылыгын өз каалоосу менен өткөрүп бергенин, эч кандай саясий себеп жоктугун билдирди.

"Республика" азыр парламенттеги көпчүлүк коалиция кирбеген оппозициялык фракция. Фракциянын 16 депутаты бар.(UEz)