11-июнда парламент бул маселени өкмөт башчы Жоомарт Оторбаевдин катышуусу менен жабык түрдө карай баштаган. Айрым депутаттардын билдирүүсүнө караганда, өкмөт мүчөлөрү газ экономикалык маселеден саясий маселеге айланганын айтып, бирок газ качан берилери белгисиз экенин билдирген. Ал эми вице-премьер-министр Валерий Диль түштүк регионду альтернативдүү газ жана башка энергетикалык кубат менен камсыздоо жагы каралып жатканын “Азаттыкка” билдирди. Түштүк регионго 14-апрелден тарта Өзбекстан газ берүүнү токтоткон. (AiT)
