Татарстанда сегиз тартип коргоочу соттолду

Чуулгандуу кыйноо кылмышына байланыштуу Казан соту полициянын мурдагы сегиз өкүлүн кызматынан кыянаттык менен пайдаланып, кыйноо аркылуу адамды өлүмгө жеткирген деп таап, 2ден 15 жылга чейинки мөөнөттөргө кести.

2012-жылы тентектик кылган деген шек менен кармалган киши ооруканада көз жумаардын алдында полиция аны кыйнап, бөтөлкө менен зордуктаганын айткан. Бүт Орусияда нааразылык пайда кылган бул окуяга байланыштуу Татарстандын ички иштер министри Асгат Сафаров кызматынан кетүүгө аргасыз болгон.