Орусия үстөмдүк кылган Жамааттык коопсуздук келишим уюмунун жетекчиси Николай Бордюжа уюмга кирген өлкөлөр НАТО менен диалогду убактылуу токтотууну сунуш эткендигин билдирди. Москвада Мамдуманын төрагасы жана ЖККУнун Еврокомиссиядагы өкүлдөрү менен жолукканда Бордюжа министрлер НАТОнун ордуна Шанхай кызматташтык уюму менен катар, Латын Америкасындагы өлкөлөр менен байланыштарды бекемдөөгө артыкчылык берип жатышкандыгын кошумчалады. Бордюжа «башка өлкөлөрдүн эл аралык иштерине кийлигишкен мамлекеттердин айынан дүйнө жаңжалдын алдында турат» деди.
