Бишкектин Ленин райондук прокуратурасы архитектура эстелигин бузуу фактысы боюнча кылмыш иш козгоду. Бул тууралуу Башкы прокуратуранын маалымат кызматынан кабарлашты. Маалыматка ылайык, Бишкек мэриясынын капиталдык курулуш башкармалыгы борбордогу Ленин атындагы заводдун маданият үйүнүн жанына курулуш иштерин жүргүзүүгө уруксат берген. Анын айынан архитектуралык эстелик саналган имаратка зыян келген. Буга байланыштуу Кылмыш кодексинин “кызмат абалынан аша чабуу” жана “кызматтык жасалмачылык” беренелери боюнча кылмыш иш козголуп, тергөө башталды. (BkA)
