Окуя райондун Ак-Көл суусунда болгонун бүгүн Өзгөчө кырдаалдар министрлигинин басма сөз катчысы Абдишарип Бекилов ырастады. Маалыматка ылайык, кечээ сууга чөгө баштаган беш баланын үчөөсүн райондун Каныш-Кыя айылынын тургуну Жумадил Арыкбаев достору менен бирге куткарып калууга үлгүргөн. Ал эми бир туугандар, 1996-жылы туулган Наргиза Байысбекова менен 1995-жылы төрөлгөн Азат Байысбеков сууга чөгүп кетишкен.
Алардын денеси суудан чыгарылып, райондук оорукананын өлүкканасына жеткирилген. Райондук ички иштер бөлүмү окуя боюнча тергөө ишин жүргүзүүдө. (YA)
