Баткендин проблемаларын чечүү жана президентке символикалык “Шералы хандын чокоюн” тапшыруу максатында Бишкекте Исхак Раззаковдун эстелигинин алдында 2-июлда маалымат жыйынын уюштурган жаштарды милиция кызматкерлери кармап кеткен.
Биринчи Май райондук соту кармалган беш активист милицияга баш ийген эмес деп күнөөлөп эскертүү берүү менен бошотту. Бул тууралуу активист Адил Турдукулов маалымдады.
Кыргызстан акыйкатчысы Бакыт Аманбаев жаш активисттердин кармалышын мыйзамсыз деп атады. (AiT)
