Киевдин мэри Виталий Кличко ЛГБТ коомчулугун борбордо гей-жүрүш өткөрбөөгө чакырды.
Жума күнү журналисттерге маалымат берип жатып, Кличко “Учурда өлкөдө аскерий операциялар жүрүп, көптөгөн адамдар набыт болуп жатканда көңүл ачуучу иш-чаралардын өткөрүлүшү туура эмес деп эсептейм” - деп билдирди.
Ошондой эле ал мэрияга ЛГБТ коомчулугу 5-июлда өткөрө турган жүрүш боюнча эч кандай билдирүү түшпөгөнүн белгиледи.
Мурдараак Киевдин укук коргоо органдары дагы уюштуруучулардан бул маршты өткөрбөөнү суранышкан.
Украинанын Улуттук ЛГБТ-порталына чыккан маалыматка ылайык, ишемби күнү эртең менен “КиевПрайд-2014” теңдик маршын өткөрүү пландалган.
