Ош шаарынын айрым кичи райондорунда таза суу маал-маалы менен гана берилүүдө. Шаар бийлигинин билдиргенине караганда, суу ансыз да тартыш болуп жаткан чакта калаа тургундары аны максатсыз колдонгону да чектөө киргизүүгө себеп болуп жатат.
Ошко таза суу эки негизги түтүк менен алынып келинет. Учурда үчүнчү түтүктү куруу иштери жүрүүдө. Ал 2015-жылдын аягында пайдаланууга берилет.
Шаардык суу чарба башкармалыгы 200 миӊге жакын керектөөчүнү таза суу менен камсыздайт. (YI)
