Орусиянын Тышкы иштер министрлиги Еврошаркет тараптан украин кризиси үчүн санкцияга алынгандардын тизмесин дагы кеңейтүү Москва менен Брюсселдин ортосундагы мамилеге доо кетирээрин эскертти. Бүгүн европалык дипломаттар ал тизмеге дагы 11 кишини кошууну чечишкен. Ал адамдардын Еврошаркеттин аймагындагы мүлкү камакка алынып, өздөрүнө саякаттоого уруксат берилбейт. Бүгүнкү жаңы тизмеге негизинен Украинадагы сепаратисттердин лидерлери киргизилгени айтылууда. Уккраин армиясы бүгүн чыгыштагы атышууларда үч аскери курман болгонун, дагы 27и жаракат алганын кабарлаган.
