Орус президенти Владимир Путин бүгүн иш сапар менен Кубага барды. Гавана шаарында ал Куба президенти Раул Кастро менен жолугуп, кызматташтыкты бекемдөөгө багытталган он чакты документке кол койду. Алардын арасында жарым аралда биргелешип мунай бургулоо боюнча келишим да бар. Гаванада сүйлөгөн сөзүндө Путин АКШга байланыштуу билдирүү жасады.
- Биз Кубага карата киргизилген америкалык мыйзамсыз блокаданы жоюуга көмөк көрсөтүүнү улантабыз, - деди орус президенти.
1960-жылдардан бери АКШ Куба жетекчилигин өлкөдө демократия орнотууга үндөп келет. Буга каршы саясаты үчүн айрым экономикалык чектөөлөрдү киргизген. (RK)
