Орусиянын Санкт-Петербург шаарында Тажикстандын эки жараны адам өлтүрүү үчүн шектелип кармалды. Тергөө комитетинин маалыматына караганда, ага-ини Охунжон жана Акмал Носировдор тажикстандык эки аялды өлтүргөн деп шектелүүдө. Носировдор Орусияда эмгек мигранты болуп жүргөн.
Полициянын айтымында, аялдардын сөөктөрү шаардын парктарынын биринен 12-июлда табылган. Тергөөчүлөр кылмыш ага чейинки күнү жасалганын айтууда.