Президент Алмазбек Атамбаев Украина аймагында 300дөй адамдын өмүрүн алган авиакырсыкка байланыштуу Нидерланддардын падышасы Уильям Александрга, Малайзиянын премьер-министри Нажиб Тун Разакка жана Австралиянын генерал-губернатору Питер Жон Коскгроувго көңүл айтуу телеграммасын жиберди.
Амстердамдан Куала-Лумпурга бараткан Малайзия авиакомпаниясына таандык учак 18-июль күнү кыйраган. Учак жерден ракета менен атылганы айтылууда.
Самолеттун бортунда голландиялык, малайзиялык жана австралиялыктар басымдуулук кылган. Индонезиянын 11, Англиянын 6, Германия жана Белгиянын төрттөн, Филиппиндин 3, Канаданын 1 жараны болгон. (SE)
