Бириккен Улуттар Уюмунун Баш катчысы Пан Ги Мун бүгүн Жакынкы Чыгышка барып Газа тилкесиндеги кырдаалды жөнгө салуу жолдорун талкуулаганы жатат. Бул тууралуу кечээ БУУнун Коопсуздук кеңешинин чукул жыйынында Мундун орун басары Жефри Фелтман билдирди. Ал ок атышууну токтотуу аймакка гуманитардык жардам көрсөтүү үчүн негизги шарт экенин эскертти.
Израил менен палестиналык "Хамас" тобунун тирешүүсүнөн соңку он күндөн бери 300гө жакын палестиналык, 2 израилдик жаран өлтүрүлдү. (RK)
