Борбор Азиядагы уз-чеберлердин, кол өнөрчүлөрдүн башын бириктирген “Оймо” эл аралык фестивалы 28-июлдан бери Чолпон-Ата шаарында өтүп жатат. Ага Казакстан, Өзбекстан, Тажикстан өлкөлөрүнөн 150дөй уз катышууда. Иш-чаранын алкагында чеберлердин колунан жаралган буюмдар сатылып, каалоочулар үчүн атайын сабактар өтүүдө. Бул тууралуу аталган фестивалдын уюштуруучуларынын бири Гүлмира Кутуева кабарлады.
Фестивалдын алгачкы бөлүгү 25-27-июлда Бишкек шаарында өткөн. Ал быйыл 9 - жолу өтүп жатат. (UEz)
