Өзгөчө кырдаалдар министрлиги Кыргызстандын айрым аймактарында жайгашкан токойлордо өрт чыгуу коркунучу күчөгөнүн билдирди. Маалыматка ылайык, Лейлек, Базар-Коргон, Аксы, Нарын райондорунун токойлорунда өрт коркунучу жогору. Талас, Токтогул, Жети-Өгүз жана Аламүдүн райондорундагы токойлордо өрт чыгуу ыктымалдуулугу бар.
Адистер тилсиз жоо кургаган чөп жана бутактардан тутанып кетиши мүмкүндүгүн, жарандарга өрт коопсуздугу эрежелерин сактоо зарылдыгын эскертет. (SE)