Шаардагы билим берүү жана саламаттыкты сактоо мекемелеринин жылытуу системалары быйыл отун менен гана ысытылат. Бул тууралуу вице-мэр Турдалы Темирбаев "Азаттыкка" билдирди.
Кышкысын кафе-ресторандарга жана мончолорго электр энергиясын колдонууга чектөө киргизилет.
Жалал-Абад шаарына учурда көгүлтүр от Кочкор-Атадагы мунай ишканасынан келет. Күздөн тарта жылуулукка талап күчөп, газ токтотулары буга чейин кабарланган.
Быйыл өкмөт Ош жана Жалал-Абадды жылуулук менен камсыздоо үчүн жакында 261 миллион сом бюджеттик ссуда бөлгөн. (RsK)