Орусияга өтүп кеткен украин аскерлеринин көпчүлүгү өздөрүн коргоо үчүн ачкачылык жарыялашты. Украин армиясынын 72-механизацияланган бригадасынын командири Андрей Грищенконун 6-августта “Азаттык” радиосунун украин кызматына телефондон айтышынча, аскерлер Гуково чек ара өтмөгүнө чукул жердеги лагерде ачкачылык жарыялашкан. Бирок ачкачылык жарыялагандарынын так саны белгисиз. Маалыматтарга караганда, Орусияга өтүп кеткен аскерлердин айрымдары Украинага кайра келген жана ал жакта 66сы калган.
Андрей Грищенконун айтымында, Орусия тарапка жикчилдер чегиндиргенге чейин эки ай бою баатырдык менен согушкан украин аскерлерин Орусиянын коопсуздук кызматтары кызматташууга көндүргөнгө аракет кылган.
