Малайзиялыктар Бишкектеги таштандыларды кайра иштетүүгө кызыкдар. Бул тууралуу мэриянын маалымат кызматы кабарлады.
Маалыматка ылайык, Малайзиянын Путраджай шаарынан келген делегация 6-9-август күндөрү Бишкекке келип, калаа башчысы Кубанычбек Кулматов менен эки тараптуу кызматташуу меморандумуна кол койгон.
Путраджай шаарынын мэри Асех бин Че Мат Малайзия Бишкектеги таштандыларды кайра иштетүүгө, шаарды жарыктандырууга, социалдык турак-жайларды курууга кол кабыш кылууга кызыкдар экенин билдирген. (UEz)
