Бул тууралуу чек араны делимитациялоо боюнча өкмөттүн атайын өкүлү Курбанбай Искандаров билдирди. Анын айтымында, 13-августтан тарта үч техника иштей баштады. Биринчи көпүрө курулуп, андан кийин жол курулушу улантылат. Жолдун курулушу күз айларында аяктап калышы керек. Анткени эл жайлоодон кайткан учурда кайра жаңжалдарга кабылбаш керек. Көк-Таш-Ак-Сай-Тамдык жолунун курулушуна тажик тарап каршы чыккандыгына байланыштуу токтоп калган эле. “Бирок азыркы кезде кырдаал тынч. Жол курулушу улантыла баштады”, - деп белгиледи Искандаров. (AiT)
