Линктер

ЧУКУЛ КАБАР!
8-Май, 2021 ишемби, Бишкек убактысы 20:41

Тулада кулчулукка кабылгандар Кыргызстанга келет


Орусиянын Тула облусунда 3 ай бою эмгек кулчулугунда жүргөн 11 кыргызстандык жаран бүгүн мекенине жөнөтүлөт. Бул тууралуу Кыргызстандын Орусиядагы элчилигинин экинчи катчысы Айымкан Кулукеева “Азаттыкка” билдирди. Анын айтымында, элчилик тарабынан кулчулуктан куткарылган 12 жарандын бирөөсүн Москвадагы туугандары алып кетишкен. Алар менен кошо бүгүн Бишкекке Воронежде иштеп жүрүп документтеринен айрылган дагы эки жаран келет.

- Кыргызстандык жарандар бүгүн кечинде учак менен Бишкекке жөнөтүлөт. Алар Бишкектен кайра Ошко учушат. Баары түштүк аймактын тургундары. Алардын учак билеттерин эл аралык миграция уюму сатып берди. 13 жаран учурда элчиликтин имаратында турушат, - деди Кулукеева.

Кыргызстандын Орусиядагы элчилиги 12 жаранды Тула облусунан Москвага кечээ алып келишкен. Маалыматка ылайык аларды азербайжан улутундагы жаран 3 ай бою уруп-согуп, айлык бербей талаада иштеткен. Дагы 6 жаран түзүлгөн шарттар канааттандырат деп Тулада калышкан. (UEz)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG