Линктер

ЧУКУЛ КАБАР!
6-Май, 2021 бейшемби, Бишкек убактысы 17:03

ИИМ: кылмыш топторго катышы бар депутаттарды атоодо саясат жок


Бул тууралуу Ички иштер министрлиги бүгүн билдирүү таратты. Анда министр Абдылда Суранчиевдин “Ата Мекен” фракциясынын жыйынында уюшкан кылмыштуу топторго катышы бар делген жана мурда кылмыш жообуна тартылган жергиликтүү кеңештин депутаттарынын атын атоодо эч кандай саясий максат жоктугу айтылат.

Кечээ министр Суранчиев окуган тизмеге өлкө аймактарындагы жергиликтүү кеңештерден 20дан ашык депутат кирген. Алардын арасында Социал-демократтар, “Республика” жана “Ата Мекен” партияларынын мүчөлөрү бар. Мындан сырткары Кара-Балта шаардык кеңешине кримтөбөл Алмаз Бокушевдин кылмыштуу тобунун активдүү мүчөлөрү депутат болуп шайланган. Министр Жогорку Кеңештин “Ар-намыс” фракциясынан депутат Бакыт Жетигенов Бокушов менен жакын мамиледе экенин айткан.

Бакыт Жетигенов Алмаз Бокушев менен бирге окуганын ырастап, бирок кылмыштуу топко тиешесин төгүнгө чыгарган. Ал өз ысымын Ички иштер министрлиги саясий максаттан улам атады деп билдирип чыккан.(BkA)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG