Каракол шаарынын мэринин экинчи орун басары Гүлназ Орозованын “Азаттыкка” билдиришинче, буга бюджетте каражаттын тартыштыгы себеп болууда. Ушул тапта маселени Каракол шаардык кеңеши карап жатат. Былтыр Кызыл жарым ай коому менен биргеликте жергиликтүү бюджеттен 370 миң сом бөлүнгөн. Бул каражат үй-жайы жокторго эки жолку ысык тамакка жана жатакана менен камсыздоого жумшалып, анын ичинде Шаардык социалдык коргоо бөлүмү көбүнүн тиешелүү документтерин даярдап берген.
2013-жылы 76 селсаяк реабилитацияланган. Алардын 10 пайызы караколдуктар болсо, калганы райондордон келгендер.(MK/AzK)
