Жыл башынан бери Кыргызстанда 521 адам жол кырсыгына кабылып, мерт кетти. Бул тууралуу бүгүн Жол кайгуул кызматынын жетекчиси Талант Исаев маршруттук унаа айдоочулары менен жолугушкан учурда билдирди:
- Быйылкы жылдын жети айында өлкө аймагында 3 850 жол кырсыгы катталып, өткөн жылга салыштырмалуу беш пайызга жогорулаган. Ал эми каза тапкандардын саны 2013-жылга карата 12 пайызга кыскарган.
Исаев билдиргендей, 2005-жылы Кыргызстанда 400 миң унаа каттоого алынган болсо, быйыл машинелердин саны 1 миллион 40 миңди түзүп жатат.
Башкы жол кайгуулчу бүгүн Бишкектеги маршруттук унаа айдоочулары менен эреже бузгандарга салына турган жаңы айып пулдар боюнча сүйлөшүү үчүн жолуккан. (SE)
