Линктер

ЧУКУЛ КАБАР!
18-Май, 2021 шейшемби, Бишкек убактысы 11:50

Обама: ИЛИМдин согушчандарына каршы стратегия даярдала элек


Президент Барак Обаманын айтымында, АКШда азырынча Сириядагы “Ирак жана Левант Ислам мамлекети” - ИЛИМ уюмунун согушчандарына каршы күрөшүүнүн стратегиясы жок. "Ал боюнча түрдүү варианттар каралууда",- деди Обама 28-августта. Ал маселени региондогу өнөктөштөр менен талкуулоо үчүн Мамкатчы Жон Керрини Жакынкы Чыгышка жөнөтөрүн билдирди. Жакынкы Чыгыш өлкөлөрү ИЛИМ өңдүү экстремисттердин максатына көңүл кош карабашы керек экенин да кошумчалады. Обама Ирактагы абалга токтолуп, АКШ авиациясы урган соккулардан ИЛИМ чоң жоготууларга учураганын белгиледи:

- Биз урган соккудан ИЛИМ каруу-жарактарын жана жабдыктарын жоготууда. Аларды кээ бир аймактарда Ирак өкмөтүнүн жана күрттөрдүн күчтөрү артка сүрүүдө. Бул миссияны аткарып жаткан күжүрмөн кызматкерлерибиз менен сыймыктанып, алкыш айтабыз.

Ак үйдөгү расмий булактардын айтымында, Обама коңшулаш Сириядагы жихадчыларга да ушундай сокку уруунун мүмкүнчүлүгүн карап көрүүдө.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG