Линктер

ЧУКУЛ КАБАР!
12-Май, 2021 шаршемби, Бишкек убактысы 17:36

La Repubblica Путиндин "кааласам Киевди эки жумада басып алам" деген сөзүн басты


Президент Путин Евробиримдикке эгер тийиштүү буйрук берилсе, орусиялык аскерлер Киевди эки жумада алып койот деп эскертти. Италиянын La Repubblica гезити 1-сентябрдагы санында Путиндин Еврокомиссиянын кызматтан кетип жаткан төрагасы Жозе Мануэл Баррозуга: “Эгер мен кааласам, Киевди эки аптада ала алам,” - деп айткан сөзүн басты.

Гезиттин жазышынча, Баррозу бул сөздү Путин ага телефондон баарлашып жатканда айтканын Биримдиктин лидерлерине 30-августтагы саммитте билдирген. Орус медиасынын маалымдашынча, 2-сентябрда орус президентинин тышкы саясат боюнча жарадамчысы Юрий Ушаков Путиндин сөзү “контексттен үзүп алынган жана мааниси такыр башка болчу” деп түшүндүрмө берди.

Италиялык гезиттин жазышынча, Путин берегидей сөздү Москванын Украин кризисиндеги ролуна байланыштуу Евробиримдик санкцияны дагы күчөтүшү ыктымал экенин укканда айткан. Расмий Киев жана Батыш өкмөттөрүнүн айтышынча, Орусия Украинанын чыгышындагы жикчилдерди курал-жарак менен камсыздап, аймакка аскер жиберген. Москва мындай айыптоолорду четке каккан.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG