АКШ президенти Барак Обама Багдаддагы дипломатиялык өкүлчүлүктү жана анын кызматкерлерин коргоо үчүн дагы 350 аскер жөнөттү. Буга чейин ал жакка 470 аскер барган. Ак үйдүн билдиргенине караганда, америкалык аскерлер Иракта жүрүп жаткан согуштук операцияларга катышпайт.
Аскерлердин жөнөтүлүшү АКШ бийлигинин өзүн "Ислам мамлекети" деп атап алган жана Ирак менен Сирияда ири аймактарды өз көзөмөлүнө алууга жетишкен уюмдун согушкерлерине каршы аракетинин контекстинде каралууда. Шейшемби күнү ал уюм барымтадагы америкалык журналист Стивен Сотлоффту өлтүргөнүн маалымдаган болчу. (RK)
