“Газпром Кыргызстан” ишканасынын жетекчиси болуп “Газпром нефть Азия” компаниясынын башкы директору Болот Абилдаев дайындалганы тууралуу “Азаттыкка” өкмөттөн билдиришти. Маалыматты "Газпром Кыргызстан" ишканасы дагы тастыктады.
8-сентябрда Орусиянын “Газпром” ишканасынын жетекчиси Алексей Миллер Кыргызстанга кезектеги иш сапар менен келген. Быйыл апрель айында “Газпром” компаниясы “Кыргызгаздын” акцияларын 1 долларга сатып алган. Андан соң мекеменин аталышы “Газпром Кыргызстан” болуп өзгөргөн.
Абилдаев мындан ары эки кызматты тең аркалайт. Ал каржы министри болуп турган кезде Кумтөр боюнча 2003-жылкы келишимди түзүүгө катышкан деген негизде өткөн жылдын күзүндө кармалган. Быйыл январда кылмыш жоопкерчилигинен бошотулган. (SE)
