Шайлоочулар арасында жүргүзүлгөн алдын-ала сурамжылоонун натыйжасына ылайык, сегиз жылдык тыныгуудан соң бийликке кайра социал-демократтар келиши мүмкүн.
Саясатчылар социал-демократтардын бийликте болушун кадыресе көрүнүш деп аташат жана мамлекетте ийгилик жаратуучулардын бири катары сыпатташат.
Азыркы өкмөт башчы Фредрик Райнфелддин башкаруусунун астында швед экономикасы алсыздыкка тушукпаса да, көпчүлүк жарандар жашоо деңгээлине жана социалдык кепилдиктерге нааразы экенин айтып келишет.
