Дүйшөмбүгө караган түнү Донецк шаарында ок атуулар уланып, жайкын тургундар курман болгонун шаардык бийликтин расмий сайты кабарлады.
“Күн бою шаарда атышуу үнү токтогон жок. Абал негизинен Куйбышев жана Киев райондорунда чыңалып турат”,- деп жазылат билдирүүдө.
Ошол эле күнү Понталеймонов районундагы атышуулар учурунда жөнөкөй жарандар арасынан үч киши мерт кеткени кабарланган болчу.
