Бул тууралуу Ички иштер министрлигинен “Азаттыкка” кабарлашты. Маалыматка ылайык, учурда бул боюнча атайын тергөө тобу иштеп жатат. Бирок ымыркайды сатып алды делген үй-бүлө табыла элек.
Кечээ Ички иштер министрлиги жеке акушер-гинеколог шаардагы №1 төрөткананын кызматкерлери менен биргеликте ымыркайды белгисиз адамдарга сатып жибергенин кабарлаган. Бул окуя боюнча кылмыш иши козголуп, гинеколог камакка алынды. Бирок Бишкектин саламаттык сактоо департаменти мындай окуянын болгонун четке кагууда.(BkA)
