Кытайда бийликтин аз улуттарга карата саясатын сындап келаткан уйгур окумуштуусу Илхам Тохтинин соту башталды. Экономика профессору Тохти "Шыңжаңдагы расмий бийликти кулатуу аракетине багытталган ишмердүүлүк үчүн" деп айыпталууда. Бирок өзү мындай айып эч негизсиз экенин айтып келатат.
Сот отуруму бүгүн Үрүмчү шаарында башталды. Чет өлкөлүк журналисттерге сотко катышууга уруксат берилген жок. Полиция сот имаратын курчоого алып кайтарууда. Сот кызматкерлери да Тохтинин иши боюнча маалымат берүүдөн баш тартты. (RK)
