Райондук эс алуу багында Баткен согушунда курман болгондорго арналган мемориалдык такта ачылды. Бул тууралуу Баткен согушунун Жалал-Абад облустук ардагерлер кеңешинин төрагасы Рустам Амираев билдирди. Эскерүү тактасы кеңеш мүчөлөрүнүн демилгеси менен жеке ишкерлердин каржылык көмөгүндө курулду.
Кыргызстанда 26-октябр жыл сайын Баткен окуясынын курмандыктарын эскерүү күнү катары белгиленет.
Баткенде террорчуларга каршы согуш 1999-жылы болгон. Анда элүүдөн ашуун кыргызстандык набыт кеткен. (RsK)
