Бул тууралуу “Азаттыкка” Өрткө каршы кызматтын жетекчиси Нуржан Осмоналиев билдирди. Каныш капчыгайдагы өрт толугу менен өчүрүлүп, коопсуздук чаралары күчөтүлдү. Тилсиз жоо 600 гектар аянтты каптады.
Өткөн аптада Жумгалдын Каныш капчыгайында өрт чыккан. Аны өчүрүү маалында райондук өрткө каршы кызматынын 28 жаштагы кызматкери Алтынбек Дүйшөналиев жана Жумгал райондук мамлекеттик каттоо кызматынын өкүлү, 32 жаштагы Аваз Нуралиев каза тапкан. (BkA)
