Жогорку Кеңеш “Сырткы видео көзөмөл” боюнча мыйзам долбоорду биринчи окууда жактырды. Аны “Ата Мекен” фракциясынын лидери Өмүрбек Текебаев баш болгон депутаттар тобу иштеп чыккан. Мыйзам демилгечилери аталган мыйзам долбоору шаардагы коопсуздукту жана кылмыштуулук менен күрөштү күчөтүүгө багытталганын билдирүүдө.
Долбоорго ылайык, Бишкек жана Ош шаарларындагы имараттарга көзөмөл камералар орнотулууга тийиш. Көзөмөл камераларын орнотууга кеткен чыгым ошол имарат кожоюндарына жүктөлмөкчү.(BkA)
