21-сентябрда Москвада Кремлдин Украинага карата агрессиясына каршы Тынчтык жүрүшү өттү. Адамдар Пушкин аянтынан академик Сахаров атындагы проспектке чейин жөө басып барышты. Бийлик алардын саны 5 миңден ашкан жок десе, өзүлөрү 15-30 миңге чамалаганын айтты.
Азыркы орус бийлигинин Украинага карата агрессиясына каршы жарандык позициясын билдиргендердин ушундай эле Тынчтык марштары Санкт-Петербург, Петрозаводск, Саратов, Екатеринбург, Сыктывкар жана башка шаарларда да өттү. Андан тышкары Лондон, Берлин, Париж, Киев, Вашингтондо да болду. (RK)
