Молдова соту президент парламент тарабынан эмес, эл шайлаш керек деген маселени референдум аркылуу чечүү планын кабыл алган жок. Молдовада президентти парламент шайлайт. Ал үчүн талапкер 101 депутаттын 61инин добушун алуусу шарт.
Либералдык партиянын депутаттары мамлекет башчысын эл шайлашы керек деген маселени добушка коюуну сунуштаган. Бул сунуш мыйзамга каршы келет деген жүйө менен сот алардын арызын кароодон баш тартты. (КЕ)
