Азербайжан бийлигинин маалымдоосуна караганда, Сирия жана Пакистандагы жоочуларга кошулган деп шектелген 26 жаран камакка алынды. Камакка алуулар Кошмо Штаттар 23-сентябрда "Ислам мамлекетинин" Сириядагы топторуна сокку ура баштаган учурга туш келди. Азерайжандын улуттук коопсуздук кызматынын маалыматы боюнча, кармалгандарга курал жана жардыргыч заттарды соодалоо, мыйзамсыз куралдуу топторго кошулуу боюнча айып коюлууда. Сириядагы согушта жүздөн ашуун Азербайжан жараны каза болгону кабарланган. (AiT)
