Бишкектеги №4 төрөтканадагы ымыркай сатуу фактысы боюнча шаардык сотто каралып жаткан иш 6-октябрга жылдырылды. Бул тууралуу Жогорку Соттун маалымат кызматынан кабарлашты. Маалыматка ылайык, былтыр ноябрь айында аталган төрөтканадан жаңы төрөлгөн ымыркай сатылган. Кийин бул ишке катышкан деген шек менен төрөткананын эки кызматкери кармалып, борбордук Октябрь райондук соту аларды 15 жылга эркинен ажыраткан. Бирок соттолуучулар бул өкүмгө макул болбой, доо арыз менен шаардык сотко кайрылган.(BkA)
