Бишкек шаардык соту «Жайшуль Махди» террордук уюмунун ишин кароо боюнча тыныгуу жарыялады. Ишти кароо 9-октябрда уланат.
2010-жылдын аягында Спорт ордосунун жанында жардыруу уюштурууга, Бишкек ШИИБинин жанына жардыргыч заттар коюлган унааны таштап кетүү, Октябрь райондук ички иштер бөлүмүнүн үч кызматкерлеринин өлтүрүлүшүнө байланыштуу “Жайшуль Махди” аттуу уюмдун 13 мүчөсү кармалган. Андан сырткары чет элдик жарандарды коркутуп, тоноо боюнча айыпталышкан. Былтыр алар борбор калаанын Октябрь райондук соту тарабынан күнөөлү деп табылган.
Андан бери бул айыптоолор боюнча жазык ишти Бишкек шаардык сотунун соттук коллегиясы кароодо. (SE)
