Стамбул шаарында президент Алмазбек Атамбаев жекшемби күнү Түркиянын мамлекет башчысы Режеп Тайып Эрдоган менен жолугушту.
Атамбаев 28-29-сентябрда Стамбулда өтө турган «Аймактык өнүгүү үчүн ресурстарды ачуу» маселеси боюнча дүйнөлүк экономикалык форумга катышып жатат. Эки президенттин жолугушуусу ошол жыйындын алкагында өттү.
Президенттик аппараттын басма сөз кызматы билдиргендей, мамлекет башчылар эки мамлекет ортосундагы азыркы кызматташтыкты мындан ары өнүктүрүү жаатында ой бөлүшүштү.
