Кытай өкмөтү Бишкек көчөлөрүн оңдоого 31 миллион доллар гранттык каражат бөлүүгө даяр. Бул тууралуу экономика министри парламенттин тармактык комитетинде билдирди.
Анын айтымында, кыргыз-кытай өкмөттүк келишимине ылайык аталган каражатка Бишкектеги 105 чакырым жол оңдолот. Макулдашуунун биринчи фазасы катары баш калаанын үч көчөсүндөгү 7,44 чакырым жолду калыбына келтирүү үчүн 8 млн. доллар акча бөлүнөт.
Мындай макулдашууну бүгүн парламенттин Бюджет жана каржы комитети жактырды, эми Жогорку Кеңеш бекитиши керек. (UEz)