Кыргызстанда жалпысынан 704 маданият үйү болсо, анын 20 пайызы оңдоо иштерине муктаж. Бул тууралуу “Азаттыкка” Маданият министрлигинин маданий мурастар башкармалыгынын адиси Ринат Бакеев билдирди.
Анын айтымында, маданият үйлөрдүн, айылдык клубдардын ремонт иштери үчүн бюджеттен эч кандай акча бөлүнбөйт. Аталган имараттарды оңдоого 300 млн. сом керектелсе, быйыл бюджеттен 10 млн. сом гана каралган.
Элеттеги маданият үйлөрүнүн кызматкерлери 3,5 миң сомдон 5 миң сомго чейин айлык алышат. (UEz)
