Полициянын айтымында, борбор шаар Никосияда жашаган жеке коллекциячынын үйүнө белгисиз бирөөлөр кирип сүрөтчүнүн 7,5 миллион долларлык эмгегин уурдап кеткен. Балет бийчилери тартылган бул сүрөттү уурдады деп шектелген эки киши кармалды. Дагы бир нече сүрөттү сатып алууга кызыкдар болуп жүргөн орусиялык жаранга издөө салынды. Сүрөт менен кошо кылмышкерлер жалпы баасы 200 миң долларлык алтын саат, көз айнек жана башка буюмдар салынган темир кутуну да уурдап кетишкен.
