Тоолуу Карабактын талаш болгон аймагында кызмат өтөгөн армян аскери Азербайжан тараптан атылган октон каза тапты. Бул тууралуу Армениянын Коргоо министрлигинин өкүлү билдирди.
Калк жагынан армяндар үстөмдүк кылган Тоолуу Карабак Азербайжандан 1990-жылдардын башындагы согуштан кийин ажырап кеткен. Бул аймактын саясий келечеги боюнча андан бери армяндар менен азербайжандар эки башка көз карашты карманып келишет.
Бул талаштуу аймакта мындай окуялар мурда да катталган. Абал жайында, август айынын башында курчуп, кыска убакытта ондогон адамдын өмүрү кыйылган. (КЕ)
