Буга арналып шаардагы стадиондо чоң концерт болот. Студенттер арасында Энкаунтер (Encounter) интеллектуалдык оюну өтөт. Бул тууралуу “Азаттыкка” Ош шаардык мэриясынын жаштар иштери боюнча комитетинин төрагасы Камчы Досматов билдирди.
- Шаар күнүндө өзгөчө жаштарга басым жасап жатабыз. Энкаунтер оюнун алты университеттин студенттери ойношот, флешмобдо төрт улуттун бийи бийленет. Мунун баарын жаштарды достоштуруп, ынтымагын арттыруу максатында уюштурдук, - деди Досматов.
Ош күнү жалпы шаар боюнча ишембилик өткөрүү менен жыйынтыкталат.
Ош Борбор Азиядагы байыркы шаарлардын бири. 2000-жылы анын 3000 жылдыгы белгиленген. (МТо)
