Украин армиясы орусиячыл жикчилерди ок атышпоо келишимин бузуп жатат деп айыптоодо. Куралдуу күчтөрдүн маалымат катчысы Володимир Польовыйдын айтымында, 5-октябрда 24 саат ичинде өкмөттүк күчтөр аткылоого туш болгондо 2 жоокер окко учту.
Донецк шаарында жикчилердин лидери Эдуард Басулин аэропорттун айланасындагы кармашта 3 козголоңчу набыт кеткенин билдирди. Согушкерлер бир нече аптадан бери куралдуу күчтөрдү аэропорттон алыстатууга аракеттенишүүдө.
Аба майданындагы заманбап тилке транспорт учактарды кабыл алууга кудуреттүү. Украин президенти Петр Порошенко 5-сентябрда жетишилген ок атышпоо келишимин өлкө чыгышындагы жаңжалды жөнгө салуу боюнча тынчтык планынын негизги бөлүгү деп атаган.
